阿保一族：跑Tee贈知音
熱愛跑步的你，家中有多少跑衫、跑褲及跑鞋？跑步風盛行，一身潮服街跑盡顯型格，不少機構為吸引跑手參加賽跑，亦紛紛送上跑Tee。一名跑手分分鐘擁逾十件跑Tee，跑鞋亦至少有兩、三對，「着極都着唔爛」，部分惟有打入冷宮，造成浪費。多名「環保跑手」回收跑Tee及跑鞋，轉贈本地、台灣、尼泊爾及肯尼亞有需要人士。有跑手更曾親身帶回收物資到肯尼亞，了解當地人真正需要之餘，更體驗了不一樣的跑步樂趣。他們希望跑步帶來的，只有健康和快樂，而非浪費。
Clara（中）與跑友收集跑鞋及跑衫送到落後國家，幫助有需要的人。（受訪者提供）
現時幾乎全部的跑步比賽都向參加者派發特製跑衫。
透過捐贈活動，阿裕希望推介跑步運動予受助者。
回收活動後，Clara與跑友需花時間整理物資。
肯尼亞小朋友對於探訪者送上的禮物都感到很新奇。
當Clara向小朋友送上禮物，大家都盡現歡顏。（受訪者提供）
四、五年前踏上跑步徑的Clara，前年經跑友認識肯尼亞失明跑手Henry及其領跑員Joseph，開始接觸非洲肯尼亞，「肯尼亞人為咗脫貧，好多人練跑，但好窮，好多時連跑鞋都冇。Henry同Joseph就想喺香港收唔要嘅鞋（回國）。」
社交網站籲回收
Clara與跑友於是在社交網站開設專頁，回收跑步裝備，結果卻令他們十分吃驚，「開咗個page冇幾耐，已經有二千個人join（參加），嗰陣好驚，如果收到二千對點算呢？最後一星期分咗三日回收，收到幾百對鞋同過千件衫。」
回收成績理想，卻不值得太高興。Clara指，回收量反映港人浪費問題嚴重，「我哋收返嚟嘅鞋同衫好多都好新，有啲甚至冇着過。」她指近年跑風盛行，各大運動品牌的宣傳攻勢猛烈，不少人為追款，即使跑步用品「冇穿冇爛」都照買新品，加上參加跑步比賽時收到的跑Tee，家中的跑步裝備往往堆積如山。
親赴肯尼亞探訪
回收易，散貨難。Clara指，回收物資主要送到肯尼亞、尼泊爾等落後國家，運費往往要數千元，為了節省運費，要靠Henry和Joseph來港比賽後親自帶回當地。前年六月，Clara更與跑友帶同大量物資遠赴肯尼亞探訪，親身體驗肯尼亞的生活。未來Clara計劃與台灣非牟利團體合作，送贈跑鞋及跑衫到當地。
社工阿裕每年至少參加十個跑步比賽，幾年來累積數箱跑Tee，起初將衫送給家人及朋友，但亦「散唔晒」，惟有透過其他社工朋友，捐贈予無家者及有需要的家庭。深受共享環保概念影響的阿裕，更向其他跑友回收全新的跑Tee，「啲衫冇用最後都係擺喺屋企同堆填區，資源可以運用得好啲，我都希望透過捐衫出去，令更多人認識跑步呢個運動。」他呼籲跑手參加比賽穿舊跑tee，捐出新跑tee予有需要的人，「唔好為咗影張相就拆開件衫，盡量保留全新，送畀人會多份尊重。」
逢星期三與你窺探地球
