城中鏡：鍾浠文做新香港人

模特兒Zelia鍾浠文尋日出席咗一個珠寶拍賣會，珠寶配長裙，盡顯高貴氣質。Zelia透露啱啱喺香港住滿七年，正式領取永久性居民身份證，佢話：「依家係新香港人，唔使過幾個月就去拎工作證咁煩，因為有時唔批要返上海，覺得自己好似廢人咁。」不過，Zelia嘅爸爸對此則感到非常高興，因為咁，Zelia就有更多時間陪伴佢。Zelia又話：「日日留喺屋企同佢煲劇，佢成日話好多姨姨鍾意佢，因為我父母已經分開咗，但我爹哋嘅條件真係好好。我媽咪好完美同好靚，冇人可以取代佢，但都會尊重爹哋，希望佢可以搵到一個可以一生一世嘅人，我會對佢（爹哋新女朋友）好好。」