申訴專員公署尋日發表調查結果，指差餉物業估價署喺規管樓宇標示門牌號數方面，未有盡力執法，對市民同旅客造成不便，甚至影響消防同救護工作。而差估署喺過去六年雖對個案發出八千五百宗警告，但具有相當法律效力嘅「標示指令」僅發出二十八張，最嚴重嘅個案，由首次巡查至發出「標示指令」，竟長達十九個月，被質疑過分容忍違規。差估署署長鄧炳光執法不力，萬一出事而造成人命傷亡，睇怕佢都孭硬呢隻黑鑊。
