現時有唔少公屋住戶違規養狗，房屋署最近加強掃蕩，到各屋邨「瘋狂洗樓」，喺走廊敲打鐵通同播狗吠聲，引屋內嘅狗吠，已有好多住戶中招被扣分，引起部分住戶不滿。不少狗主批評公屋禁止養狗規定過時，擬到房署總部請願。違規養狗影響環境衞生，滋擾租戶，房署打擊無可厚非，但執行手法唔可以擾民，否則會引起反彈。唔該運房局常秘兼房屋署署長應耀康再諗吓有乜好橋，喺下次執法嗰陣，咪被投訴擾民。
