富智康為小米、華為、南韓三星等N咁多個品牌生產手機，富智康主席Vincent童文欣就夠晒周全，佢去見客次次都帶唔同嘅手機，事關「啲客會鍾意見到你用佢哋嘅手機嘛」。各位學嘢喇。

童文欣

見唔同客帶唔同手機？一日若然約多幾個客見面，咁咪成個公事包都係電話？Vincent話每日盡量唔帶多過三部電話出街，仲話唔同客人會有佢唔同嘅手機號碼！如果咁啱Vincent冇某部手機喺手，某個客搵唔到佢，咁點？佢話可以搵佢秘書。咦，唔知佢同屋企人聯絡，係用邊隻牌子手機嘅呢可？

不過呢，Vincent都會揀客，要貴過四百九十九至五百九十九人仔手機嘅單先做。佢又話未來有機會幫手生產Apple Watch，佢話因為生產好緊張，張單「好難唔落喺我哋度」。

第一手消息請下載on.cc東網iPhone/iPad/Android/Windows Phone Apps