剩女露鋒芒 嚇怕異性
《盛女愛作戰》及《沒女大翻身》等真人騷節目，一度成為不少八卦男女茶餘飯後的話題，也有人冀從中借鏡，助己擺脫單身宿命。婚姻介紹專家指本港剩女問題，歸根結柢與怪獸家長太多，向子女灌輸「讀書勝過一切」的錯誤價值觀，結果浪費了青春向上爬，錯過了享受戀愛機會。讀得書多職位高又嚇怕了異性不敢埋身，到了想結婚時還不肯放下身段左挑右揀，人老珠黃時還怨東怨西，最終變剩女。
吳美玲主講，以伴侶相處之道為題的講座吸引逾百人入場取經。
吳美玲指港女有三大錯誤思想。
婚姻介紹所創辦人吳美玲點評本港單身女性不婚之謎，包括存在「家教錯」、「愛表現」與「心頭高」三大問題。「香港好多家庭教育有問題，自細催谷啲仔女讀書，灌輸『讀書勝過一切』嘅價值觀，但證書係虛銜，讀完晒都老啦。」她指，許多家長禁止子女求學階段拍拖，致他們缺乏戀愛經驗，長大後覓得工時長的「高薪厚職」，幾乎「賣身畀公司」，最終婚期愈推愈遲。「啲女仔用咗好多年爬到高位，先發覺原來男人唔當一回事，都幾失落。」
吳美玲又說，不少港女鋒芒太露，結果嚇怕異性。「好多高學歷女仔，習慣將重點擺喺張卡片度，話『我係某某大公司總裁』，但男人心靈好弱小，受唔住呢啲光芒，亦唔想返到屋企仲要畀老婆挑戰。」但這不代表女性必定較男人低一等，「唔係叫你去做『蠢豬』，但應該收斂一啲，減弱光彩，記住你讀嘅書唔代表你一切，做番自己，光芒講得多都悶啦。」
「唔識煮飯仲引以為傲」
而最致命的是，高學歷的港女喜歡「吊高嚟賣」，「唔識煮飯，仲引以為傲，話唔使識因為有工人」，吳美玲笑指「如果係咁不如娶工人好過娶妳啦。」她奉勸港女要做做「功課」，知道自己的優點和缺點，「覺得自己太肥咪減肥囉，否則人哋見到你都掉頭走；脾氣唔好嘅，咪諗吓點樣同人傾吓，做吓輔導改善。」
所謂「一個巴掌拍不響」，遲婚當然不全是女性的責任，「學校科科都有，偏偏冇一科叫『關係科』，父母又唔一定教，好多人都冇一個學習渠道。」職業訓練局轄下的高峰進修學院，為此開辦了「改善伴侶關係的個人提升課程」，內容由改善外表儀容，社交溝通技巧，到保持幸福關係的方法都有涉獵，開辦十個月以來，已有約一百二十人報讀。
