「住宅僭建就見得多,但喺商場度僭建都係第一次見,仲要裝齊晒冷氣、通風咁,真係一應俱全!」張先生早前於北角英皇道鄰近港鐵炮台山站一個商場消費時,發現該商場後巷懷疑有僭建並被闢作辦公室,「香港地寸金尺土,咁樣做法唔知每個月慳到幾多錢租呢!」

北角有商場後巷出現僭建物,屋宇署處理效率備受質疑。

屋宇署發言人證實,涉事僭建物早已紀錄在案,將按現行執法政策,按序透過大規模行動向有關業主發出清拆令,事前亦已先發信通知,要求盡早安排清拆。

東區區議員許清安直指現時屋宇署執法緩慢,拖延至發出清拆令或進入司法程序時違法者已獲利甚豐,以致區內僭建問題日益普遍。「其實咁係一個惡性循環,因為屋宇署做嘢慢,積落嚟嘅個案就愈嚟愈多,相對上人手就更加緊張,令到啲業主覺得就算僭建都有排先畀人告!」

第一手消息請下載on.cc東網iPhone/iPad/Android/Windows Phone Apps