SUN揭秘：宣傳獨特 一聽難忘
途人對靄姐的「天外魔音」反應不一。有同學對此十分受落。在屯門上學的梁同學表示，每次來逛街，也會幫襯靄姐，「覺得佢好主動同好親切，所以都會繼續幫襯。」但亦有街坊覺得她的叫賣聲「騎呢」。
雪糕屋屬家庭式小本經營，全家上下齊齊「落手」又「落口」。
居住商場樓上的街坊阿欣表示，中學時代已日日聽到靄姐的叫賣聲，「覺得佢把聲低低沉沉，講嘢好似人肉錄音機咁，成日Loop嗰句咩『埋嚟試吓味呀歡迎試雪糕～』，都算係一種幾有特色嘅宣傳手法嚟嘅。」亦有網民指靄姐聲線高八度、像捏着喉嚨的叫聲，令人一聽難忘，稱霸區內。
靄姐的「震撼性聲線」使她街知巷聞，近日其店舖加入新產品棉花糖，更令她因此獲封為「棉花糖師奶」。事緣她功力深厚，能把棉花糖幻化成一朵朵盛放的花朵，冧盡大人小朋友。「都唔係易o架，同老公練咗好耐！」說罷又甜絲絲笑起來。
