城中鏡：謝佩蘭 「祖屋」升價百倍
香港樓價屢創「癲」峰，有啲人憂慮，就算成世唔去日本，都未必儲到首期，友邦香港及澳門業務策略及市場策劃總經理謝佩蘭（Bonnie）亦以自己嘅經驗，分享吓置業難嘅問題。
謝佩蘭話，自己當年上車都係爸爸幫手畀首期。
爸爸助畀首期上車
Bonnie話，佢細個住開嗰間「祖屋」，當年入手價只係四、五萬蚊，升到八十六萬時，屋企人已經賣咗，不過Bonnie仲不時貪得意check吓個價，呢間「祖屋」市價原來最近已經升到四、五百萬！咁佢當年點樣置業呢？Bonnie話，多得爸爸幫手畀首期，佢先上到車，但係當時樓價仲未咁癲，所以佢絕對明白依家年輕人買樓幾咁慘囉。
