城中鏡：未諗交棒 柯為湘：「你估武則天咩」
上市公司相繼舉行股東會，尋日輪到九龍建業，主席柯為湘帶埋阿仔一齊出席股東會，席上大家講到「交波」嘅問題，今年六十有三嘅柯為湘好風趣話：「雖然我有幾條白頭髮，但仲未考慮呢個問題。」
柯為湘（左）尋日同阿仔柯沛鈞一齊出席股東會。
又係嘅，柯為湘喺商界完全算係實力派，並未需要「交波」、歎世界哦！只係柯公子柯沛鈞唔經唔覺都已經做咗執董近十年，大家先至有此一問啫。
講番公司，原來副主席Keith Alan Holman尋日榮休，咁樣副主席個位又搵邊個去做呢，柯主席都係未肯作披露，而且仲好精靈咁答：「你估好似夜晚嗰套《武則天》咁，日日諗住繼任問題咩！」
