城中鏡：史顏景蓮為籌款出新招

呢幾年本地經濟環境一般，慈善團體想要籌多啲善款就要花多啲心思。仁愛堂主席史顏景蓮Kimmy就有好多創新諗法，打算喺中環舉行推超市購物車比賽，一來籌款，二來宣揚環保。

史顏景蓮（右）籌款主意不絕，旁為女兒史佩加。

Kimmy話香港人平日工作營營役役，運動時間唔多，積埋唔少壓力，所以今屆仁愛堂首個慈善活動喺上星期舉行，就揀咗以運動形式進行，做善事同時有益身心。

佢又話每年仁愛堂都會有十個大型籌款活動，所以佢哋隨即又諗到下個活動嘅新點子，就係舉辦全港首個以超級市場購物車為主題嘅大型慈善活動，並加入運動元素與民同樂，遲吓仲有時裝表演等，總之夠晒健康同趣味。