講到緣分，呢樣嘢真係好奇妙。中西區區議會副主席陳學鋒尋日喺社交網站上載一張靚相，留言話佢出席第一個助理同未來助理嘅婚禮。學鋒同我哋解釋，話佢喺十一年前就認識新郎哥，當時係做佢嘅第一個助理，而新娘子就係佢嘅未來助理，笑言自己係半個主人家喎！唔通學鋒係促成呢段姻緣嘅紅娘？佢笑稱唔係，一對新人係喺外面相識嘅。無論點都好，呢段佳話印證咗世界真細小嘞！
中西區區議會副主席陳學鋒尋日喺社交網站上載一張靚相
