去完廁所辦大事要洗手是常識吧？但醫院管理局港島西醫院聯網總監陸志聰（圖），尋日出席一個宣傳潔手嘅活動時就好感觸，話前日去尖沙咀一間五星級酒店出席晚會時，如廁後竟然遇到一名外籍男士去完廁所唔洗手。佢話自己已經「厚多士」咁叫位男士洗手，但人哋騷都唔騷吓佢就咁推門走咗，結果要勞煩清潔阿叔抹乾淨個門柄，陸醫生先敢推門離開。如果清潔阿叔唔喺度，佢咪唔使走？

陸志聰

陸醫生仲分享當年點教小朋友洗手，就係邊洗手、邊唱生日歌，仲話唱完都成十五秒。咁大人又點搞呢？陸醫生建議，出動多種顏色嘅搓手液吸引人去用喎。

第一手消息請下載on.cc東網iPhone/iPad/Android/Windows Phone Apps