政壇：今年7.1遊行恐斷纜

七一有危機，皆因佔領行動同退聯風波後，負責籌辦每年七一遊行嘅民陣，影響力同凝聚力都大不如前。加上政改方案係咪通過到，或屆時會否出現大規模嘅再佔領，全部都要等到六月中至月底先知，令到今年七一遊行到依家都未定到主題。

民陣被狠批為「左膠」

早喺佔領行動前，民陣已經畀啲更激進嘅本土派同勇武派後生仔狠批為「左膠」，即係得把口但欠缺具體抗爭行動，每年七一遊行籌完錢、唱完歌就散band，搞咗十二年都冇乜成果。

而退聯風波中，陳倩瑩同前召集人楊政賢都係學聯出身，前者仲曾經喺網上爆粗斥責退聯人士，雙方交惡咪唔撐你玩囉。

有民陣中人預計，今年嘅七一遊行即使搞得成，本土派同勇武派一係就玩杯葛、一係就另起爐灶搞對抗，再唔係就玩踩場同騎劫，三種做法都會令民陣遊行嘅參與人數大減。

最重要嘅係，特首普選方案最終會通過定否決，至今都冇人敢寫包單。若果方案爆冷通過，啲反對袋住先嘅團體同市民，可能已經佔領緊立法會同政府總部，仲有冇需要搞七一遊行呢？民陣過往一般喺四月就會公布該年七一遊行主題，但今年就等到依家都冇聲氣，背後梗有原因。着磚頭砍自己的腳」。

講到呢個地步，可見佢心裏邊幾多火呀！