城中鏡：猛「籃」趙世曾奪亞
城中名人趙世曾前晚為自己公司旗下嘅籃球隊出賽，身穿「8」號白色球衣上陣，喺整場比賽中亦表現得非常積極，不時落力進攻兼且充當領袖角色，但佢話自己表現唔算最Fit！而球隊最終獲得亞軍。趙世曾話自己打咗十幾年籃球，所以特意成立籃球隊，喺公餘時間可打吓波。咁班女朋友平時有冇嚟撐場？佢就話：「今日比較忙，間中都會嚟。」
趙世曾（左）不時落力進攻。
趙式正（左）到場為父打氣。
怕醜囝囝現身打氣
鮮有出席公開場合嘅兒子Roman趙式正亦特意現身支持，仲一直坐喺觀眾席欣賞賽事，努力為爸爸同球隊打氣拍掌，期間趙世曾不時主動介紹Roman畀在場人士認識。問到有冇同阿仔一齊打籃球？佢話：「佢比較鍾意健身同打泰拳，自己都有鼓勵佢打，最近佢放暑假所以喺我屋企住。佢依家喺香港讀書，今年佢都二十一歲，但未正式拍拖。」而喺旁邊嘅Roman看似頗為怕醜，但仍然禮貌咁話依家喺城市大學讀二年級，主修商業。
