中國社科院公布最新城市競爭力藍皮書,香港綜合經濟競爭力首次被深圳超越,僅排第2位,係13年來首次失去榜首寶座。

其實香港城市競爭輸畀深圳,都唔係今時今日嘅事情,你睇吓出名識飲識食識歎世界嘅前朝餘孽特首貪先生,呀唔係,係曾先生至啱!嗱,佢老哥為退休鋪路,想打造一個超豪的安樂窩,邊度都唔去,千揀萬揀,揀喺深圳租住市值半億人民幣嘅超豪「禮賓府」,嗰度有落地大玻璃主臥浴室,更加有空中花園及豪華名牌按摩浴缸,嘩,諗起貪先生,呀唔係,係曾先生喺嗰度沖涼,大地在我胯下,對住全深圳吊吊揈,一副君臨天下咁嘅衰樣,又唔怕畀紀委雙規,真係好過做深圳市委書記呀,試問香港點夠競爭力呀又。

小白 (本地博客)

周一至五刊出

第一手消息請下載on.cc東網iPhone/iPad/Android/Windows Phone Apps