SUN焦點：心理學家：應予快樂成長環境
對於面試班成效，家長在網上紛紛討論，有港媽指女兒面試多次N1和K1入學試均全軍覆沒，因而替她報讀面試班，目的令她熟習面試過程，雖然明白不會因此脫胎換骨，但仍願意「臨急抱佛腳」；不過有家長「看透」面試班只是商業策略，認為小朋友學面試「有壓力、好可憐」。
「一啲怪獸家長因為面子要入名校，扼殺咗小朋友嘅童真同創意。」註冊臨床心理學家林玥彤認為，家長為令子女入到心儀幼稚園，不惜為他們報讀面試班，並安排連串面試，變相令他們承受不必要的焦慮，影響身心發展。「就算小朋友唔知咩係面試，但課堂中同埋喺屋企不斷綵排，又要記嘢；面試面得唔好，父母又會黑面，呢種氣氛佢哋會感覺到壓力。」
4歲童患情緒焦慮
林續指，新一代港孩早面對不同壓力，如被迫學習多項技能，令日常行程編得密密麻麻；甚至面對家長「層樓仲要等你供」的言語壓力，她更接觸過僅四歲的小孩因而引致情緒焦慮，免疫系統轉弱，導致皮膚敏感、咬手指和磨牙等徵狀。她建議家長應給予子女快樂的成長環境，因樂觀心態反有助小孩將來的抗逆能力。
