考評局秘書長時時放工去濕平，聽到有人大嗌「打劫」，時時馬上衝上前幫手，點知原來會錯意，仲畀人鬧添。

市民：打劫呀！打劫呀！

時時：打劫？個賊喺邊？等我幫你手！

市民：幫手？你咪就係個賊仔囉。仲好講！

時時：吓？我咩都冇做過，你唔好屈得就屈喎。

市民：DSE加考試費2%，考六科要成$2,700，考試啫，使唔使撳住嚟搶？你同賊仔有乜分別？

時時： ……咁咋，都唔叫搶吖，我哋加考試費係同通脹成正比，都係加少少，你哋應付到嘅！

市民：之但係你哋花紅照派，考試費又加，會唔會講唔通呀？

時時：唔加考費，花紅點夠使呀？

市民：你哋最叻自肥嘅啫！

第一手消息請下載on.cc東網iPhone/iPad/Android/Windows Phone Apps