香港繁華背後，仍有唔少人活在貧窮線下。慧妍雅集日前喺尖沙咀洲際酒店舉行慈善晚會，籌得嘅善款會捐助香港專業進修學校建設新校舍，以及捐助逾一百萬元予惜食堂添置新廚房設備，望更多需要食物援助嘅人得到溫飽。當晚一眾前港姐盛裝出席，呼籲善長加入扶貧行列。長江後浪推前浪，唔少新一代喺事業及社交方面均積極進取，日前一個青年組織舉行籌款晚宴，匯聚城中名人二代，喺工作及組織事務上發揮創意。

忠實擁躉
信和前商場推廣總經理蘇蔡潔蓮（右二）同老公蘇沛霖醫生（左）買枱支持「慧妍」逾十年，「慧妍」信託委員會主席王愛倫（左二）、前港姐曹敏莉（中）及劉倩婷（右）舉杯致謝。

慈善晚會
最佳禮物
慧妍雅集永遠名譽會長朱玲玲搞活動，二仔霍啟山現身支持，係母親節最佳禮物。

望女成龍
前港姐寇鴻萍與丈夫梁廷鏘，積極培訓次女唐貝欣做家族生意接班人。

友情無價
慧妍雅集會長陳法蓉（左起）為籌備晚宴狂碌「人情卡」，時裝設計師何國鉦、前港姐鄺美雲及朱凱婷當然全力支持。

籌款盛宴
淵源
潮州商會常董張俊勇（中）與兩個William─港產陀飛輪萬希泉創辦人沈慧林（左）及香港青年聯會副秘書長朱威霖（右）好有淵源，前者係佢喺康奈爾大學嘅師弟，後者係細姪。

打拚
香港青年時事評論員協會副主席陳志豪（左起）、經緯集團執董陳丹丹、莊士機構國際執行董事莊家彬、家得路總裁陳家偉及大唐金融高級副總裁李惟宏均年輕有為，為事業打拚。

支持
仁濟醫院總理湯振玲（右）早前挑戰衞奕信徑，好友張瑞祺（左）因腳傷未能同行，只能精神上支持。

奮鬥
中華廠商聯合會青委王詩雅（左起）、中華總商會會董周雯玲及香港青年聯會副秘書長陳詠娸都係熱衷社會服務嘅事業型女性。

第一手消息請下載on.cc東網iPhone/iPad/Android/Windows Phone Apps