政壇：膠袋徵費 帶挈紙業興旺
第二階段膠袋徵費上月實施後，做膠袋生意嘅企業可能隨時陷入冰河時期，但做紙袋嘅就受惠喎。尋日喺沙田馬場見到理文造紙創辦人李運強笑笑口話，近期紙袋訂單的確有唔錯增長，佢仲話佢哋主要用環保紙，或者比較粗生嘅竹漿做原材料，而非樹漿造紙喎。
李運強受惠於膠袋徵費，造紙生意有增長。左為李太。
李少光夫婦身體力行支持環保。
講到環保達人，仲要計埋保安局前局長李少光夫婦，李少光話早於年前屋苑實施廢物分類時，兩夫婦已經身體力行支持。依家去街市買餸除咗帶環保袋，仲會帶定個膠盒方便隨時擺豆腐入盒，咁樣就一個膠袋都唔會浪費喇！
