泛民同建制一樣，喺區議會選舉中都有協調機制，確保唔會自己人打自己人。但建制派爆出內訌，自由黨李梓敬準備落又一村選區，單挑經民聯成員兼深水埗區議會主席郭振華。建制派內訌隨時令泛民「漁人得利」，最近社民連新丁周嘉發都話會落該區插旗。區選未上演，好戲已高潮迭起。據知，周嘉發大學時期做過港大學生會常秘，仲係學聯前秘書長周永康莊友，累積唔少社運經驗。
