家喻戶曉的人物小明又要出發北上。小明一生經歷不少奇事，二十樓墮下生還；飛機爆炸亦幸存，但今日所遇之事，將會大大改寫傳奇。

「一張北上車票。」小明淡然。「好，盛惠萬二蚊！」售票員也是輕描淡寫的一句。「好，萬二……咩話？萬二蚊？」小明終於察覺問題所在。「係，真係萬二蚊。」售票員重複。

小明曾去東莞、上廣州，除遊倫敦外，交通費豈會索價萬元，「我搭火車捐山窿、探祖父外婆無數次，歌都有得你唱，你敢呃我？」小明怒道。「童叟無欺，真係……」售票員委屈地指向一片荒地。此刻，小明終於明瞭一切，深深不忿，暗下決定，「與其食死貓，我寧願跑步上廣州！」

豪言往往締造傳奇─小明跑步竟然快過火車抵達廣州！

傳奇誕生，經典謎語亦因而改寫。

「點解小明可以跑得快過架火車？」

「唔通係因為小明跑得好快？」

「傻的嗎！因為架火車係高鐵，日日話滯工，都唔知幾時先起好！」

第一手消息請下載on.cc東網iPhone/iPad/Android/Windows Phone Apps