每個鐘小休胸悶要停手

有人陪玩可互相警惕

蔡提醒機迷打機期間避免太過激動，若感到胸悶不適，便應該即時停止，切勿沉迷打機。他建議為自己設立時間限制，最好每隔一、兩個小時便要停下，休息五至十五分鐘，但他坦言：「好多人打機就係為咗刺激感，一打就得意忘形唔識停﹗」故建議打機時要有人陪，可互相警惕，不適時亦有家人或朋友可即時提供協助。

心臟科專科醫生何鴻光補充，長時間打機會令到身體過勞，甚至引致羊癇症發作。若果坐姿不正確，例如盤膝而坐或者長時間靜止不動，會令到血液循環受阻，引致腿部靜脈栓塞，有機會引起致命併發症，肥胖人士更屬高危一族。

近年發生不少打機猝死個案，前年一月，一名二十四歲青年通宵打機後，早上如常上班工作，至深夜放工後又與朋友飲酒消遣，至凌晨三時許乘的士返抵觀塘住所樓下，懷疑因過度疲憊致猝死。一一年八月，鴨脷洲一名四十歲男子懷疑通宵打機後，於清晨如廁時突然暈倒，送院後返魂乏術。