【記者陳瑋珩、黃凱翎報道】港鐵朗屏站內一條下行扶手電梯長期被圍封，上班日更每天「封足」十一小時，乘客被迫撐樓梯或「兜路」，利用其他行人設施離開月台，令年邁乘客大呻不便。面對乘客指摘，港鐵辯稱政策僅涉節能考慮，遭區議員狠批解釋牽強，直指港鐵對人流估算出現失誤，建議彈性調整電梯運作時間，方便乘客上落。
張小姐指朗屏站內有下行扶手電梯長期圍封，對年邁乘客造成不便。
扶手電梯平日停用時間約十一小時。
扶手電梯旁附設五十二級樓梯供乘客使用。
朗屏站外A出口亦有扶手電梯以節能為由被封。
鄺俊宇
「條扶手電梯平日一至五每日會封足十一個鐘，連星期日都要封成九個半鐘，咁搞法，條電梯當初究竟起嚟做咩？」張小姐早前搭乘港鐵到朗屏站，擬由月台到大堂時，發現下行扶手電梯被圍封，乘客均要行樓梯，事後獲悉有關扶手電梯原來長期處於「停工」狀態，「條扶手電梯隔籬雖然有樓梯畀人去大堂，可惜成條樓梯有成五十二級，對我哋啲後生嚟講梗係容易，但係睇住啲公公婆婆慢慢趷落咁多級樓梯就好危險！」張又指，站外A出口亦有扶手電梯出現類似情況，令乘客「有得睇、冇得用」，要求港鐵改善安排。
死撐節約能源
當區區議員鄺俊宇表示，朗屏站現有兩部下行扶手電梯設於站內頭、尾位置，惟其中一部扶手電梯長時間停用，對離站乘客造成不便，「嗰條扶手梯本身好近D至F出口，如果有行唔到樓梯嘅老街坊想喺D至F出閘，就要兜個圈去對面條扶手電梯、或者搭（車立）先落大堂，落到去又要再行返轉頭出閘，真係腳都軟埋！」鄺認為出現「封梯」事件，疑港鐵於建站前估算人流失準所致，建議應彈性調整扶手電梯的停用時間，真正配合乘客需要。
港鐵承認非繁忙時間車站人流較少，職員遂安排鄰近D至F出入口及站外A出口一部扶手電梯暫停運作，以便節能；又指已即時派員觀察，認為現有安排能配合乘客需要，強調會將個案轉交車站，繼續留意扶手電梯使用情況。發言人無回應過去曾否接獲相關投訴。
發言人補充，現時朗屏站設一部升降機於車站中央，建議乘客可選擇使用扶手電梯旁的樓梯或乘坐升降機往返大堂、各車站出入口及地面。
逢星期一至五見刊
熱線3600 9988
電郵 socserv@on.cc
傳真3600 9900
WhatsApp/SMS 6500 6500
來函請寄：香港大埔工業邨大昌街23號東方報業中心東方報業集團投訴組收
個人資料絕對保密
匿名投訴恕不處理
第一手消息請下載on.cc東網
