城中鏡：下拍拍：王梓軒樂賀母親節

呢個音樂會對姚老師嚟講有特別意義，佢話：「因為舊年母親節，我母親病重在醫院臥床，已知道母親嘅病醫唔好，我喺上海舉行音樂會就讓母親透過電視臥在床上欣賞，藉此祝佢母親節快樂。」佢深深體會到要跟家人喺一齊並表達愛意嘅重要。當晚同佢合作嘅Jonathan王梓軒亦邀請咗媽咪、嫲嫲同婆婆到場欣賞。

提到姚老師嘅老爺、國務院港澳辦前主任魯平喺月初逝世，姚老師話：「身後事已經辦好，因為公公（魯平）過身嘅事令我哋排練時間要重新安排，好多謝同事、朋友同埋Jonathan都幫咗我好多，個騷一定要go on，門票都賣咗，嗰段時間就喺北京同香港飛嚟飛去。」同場嘅Jonathan就大讚姚老師好堅強。