有市民駐足觀看泳灘，不斷搖頭嘆氣，康文署署長嫦嫦經過見到，問吓市民有咩咁好睇，結果兩人爭吵起上嚟。

嫦嫦：你睇乜睇到入晒神呀？

市民：你睇吓，個沙灘鑲金o架！

嫦嫦：咩呀？邊度有黃金呀？傻o架咩你！

市民：叫得黃金泳灘，梗係用金造啦！

嫦嫦：咪又係泳灘名一個，咪大驚小怪啦！

市民：唔係唔係，你太愚昧啦，多得你哋進行翻新工程，搞到更衣室設施新不如舊，仲嘥咗300萬公帑，你話喇，個泳灘係咪金造？

嫦嫦：……其實，唔掂咪再翻新多次囉，搞到掂為止。

市民：咁樣咪即係倒錢落海啫！

嫦嫦：都啱，話明翻新泳灘，啲錢梗係擺喺「海」度o架！

第一手消息請下載on.cc東網iPhone/iPad/Android/Windows Phone Apps