城中鏡:肥亨敍天倫 抱孫「等神安排」
咁啱早幾日喺灣仔見到商務及經濟發展局前局長「肥亨」馬時亨一家人,齊齊食晚飯,享受天倫樂。由於當晚落大雨,佢哋乘坐嘅七人車停泊喺灣仔道附近後,肥亨一落車就因為天雨路滑而跣一跣腳,好在佢平衡力唔錯,立即企番穩,但就不忘提醒尾隨落車嘅太太同細女要小心濕滑,相當體貼。問到肥亨大女馬露明同細女馬露玲幾時生番個小朋友時,露玲同媽咪馬王培琪都係嗰句,唔會特別強求同畀壓力嘅,都係等神嘅安排喎。
馬時亨同太太馬王培琪(左三及右三)、大女馬露明夫婦(右二及右一)、細女馬露玲夫婦(左二及左一)一齊晚飯。