「隱蔽超過三年，僱主擔心佢哋嘅工作能力，而且甚少有一技之長，僱主會覺得佢哋有問題，唔會考慮。」安俊人力資源顧問公司董事總經理周綺萍建議，隱青宜先尋求社工或志願團體協助求職。

宜先選較低門檻工作

隱蔽五年的Note，自拍短片上載求職，獲網友讚賞勇氣可嘉，周表示「佢有決心脫離隱蔽生活，但搵工要針對自己身體狀況及學歷，唔好與其他人直接競爭。要搵一份獨立時間較長嘅工作，如對設計有興趣，可以先修讀相關課程，又要提升溝通技能，才有機會獲聘。」

至於已擺脫隱青近四年的阿華，即使轉工亦無太大問題，周指「先搵一份門檻冇咁高嘅工作，入行係一個好選擇，加上投入勞動市場數年，就算要轉工，僱主雖然會問及其隱蔽經歷，但只要回答得體，都唔會當佢同社會脫節。」

第一手消息請下載on.cc東網iPhone/iPad/Android/Windows Phone Apps