SUN焦點：發掘隱青興趣提供培訓實習

隱青怎樣才可以踏出家門投身職場？「切忌一下子就叫佢哋返學或者返工，應以互相認識為大前提，如佢鍾意打機，我哋就會一齊玩，建立互信關係，再邀請佢返服務中心，一齊做甜品及參加行山等。」註冊社工蘇嘉穎認為，隱青並非自閉，只要發掘到他們的興趣，就可逐步建立自信。

「隱青早年輟學，需要生涯規劃，我哋會同商界合作，為佢哋提供短期培訓及實習，例如髮型屋、文職等工種，加深佢哋對工作認識。」蘇續指，不少隱青對工作有誤解，以為如電視劇集般需經常加班、人事關係複雜，將工作與不快樂畫上等號，令他們對工作卻步。

「政府唔當隱青係一個專門問題，覺得青年中心都可以兼顧，但實際上好多社福機構要搵基金、贊助，資源不足以提供所有服務；而且不少基金亦非恒常，政府應該調撥資源跟進。」立法會福利事務委員會主席張國柱慨嘆資源不足，難以協助隱青就業。