有傳馬斯克知道下屬因老婆生仔缺席公司活動而勁唔like，佢好快就出嚟澄清，話完全無發生過啲咁嘅事。（資料圖片）
電動車企業Tesla個CEO馬斯克（Elon Musk）出晒名嚴厲，凡deadline前唔能夠完成工作嘅員工，即炒。咁若然係缺席公司活動又會點？
下星期有本講馬斯克嘅新書出，尋日就有呢本新書嘅部分內容流咗出嚟，話馬斯克有個下屬因老婆生仔而缺席公司活動，又話馬斯克知道後勁唔like，話生仔唔係理由，仲話佢哋Tesla喺度改變緊世界，締造緊歷史，必須全情投入，話個下屬應該識分輕重。
不過，馬斯克好快就彈出嚟澄清，話完全無發生過啲咁嘅事，又話自己絕對唔會咁講。據知，就算強如Apple前教主喬布斯，喺生仔呢啲事上，亦未敢咁涼薄。但本書個作者本身係Businessweek記者，佢亦堅持單料係真嘅。今次，好戲在後頭。
第一手消息請下載on.cc東網
