土瓜灣：後巷雜物堆積驚現鼠蹤
土瓜灣居民陳小姐指出，馬頭圍道後巷無論晝夜皆有途人行經，惟長期有大量雜物堆積，更有鼠患，環境衞生惡劣，「自從呢邊開多咗食肆，條後巷就愈來愈污糟。啲垃圾雜物長期擺喺度，一直都冇人清，又有酒吧放啲樽出嚟。最慘係呢排開始熱，啲老鼠就出晒嚟，我晚晚放工行過都好驚，仲見到佢哋爬上水管，分分鐘竄晒入屋！」陳要求部門關注情況，保持街道環境衞生。
馬頭圍道後巷衞生差，居民更於半夜發現鼠蹤。
食環署發言人承認，過去一年共接獲六宗有關上址的投訴並發出兩封「移走障礙物通知書」。發言人表示，巡查時發現上址有手推車及金屬容器，妨礙當局的街道清掃工作，但無發現鼠蹤。當局已警告有關酒吧負責人，亦在該處一帶加強防鼠措施，職員覆查時無再發現有雜物堆積，強調會繼續留意上址情況。
