財爺鬍鬚曾「中蛋」後，自稱對雞蛋另有體悟，喺網誌上大談雞蛋與高牆，仲大談話語權威力，但有市民唔太同意佢嘅講法。

市民︰依家香港係雞蛋與高牆嘅局面。

鬍鬚曾︰唔可以輕易用呢個比喻，會產生二元對立。

市民︰又係叫人尋求共識，如果得就唔會有今日局面。

鬍鬚曾︰嗱，呢啲咪係話語權嘅恐怖之處，大家難以理性溝通。

市民︰你仲敢學人講話語權？就係你呢啲官恃權亂用，先會二元對立，庫房「狼來了」仲唔係好例子？

鬍鬚曾︰點同？我係「能力愈大責任愈大」。

市民︰弊在你係無能呢，次次估錯數，一幅無能高牆，先唔好講係咪對立，邊個敢與你為伍？

鬍鬚曾︰此話何解？

市　民︰君子不立危牆之下呀！

第一手消息請下載on.cc東網iPhone/iPad/Android/Windows Phone Apps