香港女童軍總會前日舉行「香港總監移交儀式」,本身為國際事務總監及副總監嘅李周美枝,由副會長梁王培芳手上接過香港總監委任狀,成為新任香港女童軍總會總監。

梁王培芳(右)頒發委任狀予新總監李周美枝。(受訪者提供)

話說李太中學時已開始參加女童軍,並喺服務青少年同婦女團體嘅實務工作上有二十年經驗。李太任內將領導香港女童軍總會推動唔同活動,培育本地女孩子同年輕女性成為有責任感、獨立同有理想嘅市民,又將加強推動香港女童軍按世界女童軍協會訂定嘅目標發展,令香港女童軍與本地社區同世界女童軍接軌。

第一手消息請下載on.cc東網iPhone/iPad/Android/Windows Phone Apps