由英國名廚Jamie Oliver策動,每年五月舉行嘅Food Revolution (港譯:為食起革命)至今已踏入第四屆。今年Jamie發起一個全球聯署行動,目標係收集一百萬個簽名,促請G20各國把飲食教育放入學童常規課程,改變學童不良嘅飲食習慣。策劃香港為食起革命活動嘅本地非牟利計劃Go.Asia愛心起動,月初廣邀本地政、商、飲食、演藝界父母級名人響應聯署行動,包括降低食物中鹽和糖委員會主席陳智思、康宏金融控股有限公司主席王利民先生、藝人鄭中基同米芝蓮名廚陳國強等,目前全球已錄得逾八十萬人網上聯署,數字正不斷攀升中。

Jamie Oliver

鄭中基

陳智思

作為四個孩子嘅爸爸,Jamie Oliver話:「全球有四千二百萬五歲以下嘅兒童超重或癡肥,每年有五百萬人因飲食相關嘅疾病死亡。如果仲唔作出改變,情況將更惡化,新生代嘅壽命可能比父母一代更短。我深信只要認識食物、懂得選擇、鼓勵更多家庭自己煮食,情況將可改善及避免。」鄭中基話:「為人父母,最希望子女健康、快樂地成長,所以我希望佢哋懂得食物除咗好味道,更會識選擇健康同有營養嘅食物。」

今個星期五係全球為食起革命日,為食起革命香港亦將喺當日聯同一百五十位義工同學生,一同炮製由Jamie Oliver 設計,2015為食起革命主題菜式:爽脆包包。

第一手消息請下載on.cc東網iPhone/iPad/Android/Windows Phone Apps