為咗慶祝創會一百五十四周年,香港總商會喺本月二十九日免費請市民乘搭全線電車,以及天星小輪往來尖沙咀至中環同灣仔兩條渡輪航線,料將會有三十萬人受惠。總商會主席彭耀佳(左)同總裁Shirley袁莎妮(右)尋日孖住出嚟公布今次免費搭車又搭船嘅安排。彭耀佳話電車同渡輪兩種公共交通工具喺香港最有代表性,而且同總商會歷史同樣悠久,所以商界希望透過呢兩種交通工具回饋市民。請市民搭電車同坐渡輪已經搞咗好多年,被問及明年慶祝會否真係搞吓新意思,Shirley就反叫大家諗到好橋話聲佢知喎!

第一手消息請下載on.cc東網iPhone/iPad/Android/Windows Phone Apps