每逢香港有大事或政改重要時刻,人稱「搞事四人幫」嘅成員都會頻頻出動。好似被指為成員之一、外號「民主阿婆」嘅前政務司司長陳方安生,尋日就應承電台喺早上十一點接受訪問講政改,點知佢突然提早一小時抵達電台,搞到節目主持無奈提早同佢做訪問。唔通民主阿婆起身後無所事事,所以諗住早啲到電台行行企企?

陳方安生突然提早抵達電台,搞到節目主持無奈提早同佢做訪問。

肥佬黎尋日中午孭住背囊急急赴台,莫非又密謀攪局?

雖然提早咗一個鐘到,但佢仍然講埋啲言之無物嘅嘢,例如批評政府唔應該製作咁多政改宣傳短片,又話一日立法會未通過政改方案,政府高官都唔應該以個人身份落區兼簽名撐政改,仲話自己當年為官一定唔會咁做喎。民主阿婆當年梗係唔會咁做啦,佢幾時有為港人爭取過民主同普選吖!

被指為同屬「搞事四人幫」嘅壹傳媒集團前主席「肥佬黎」黎智英,尋日中午時分亦一支公由何文田寓所出發到機場,見佢孭住個背囊,戴住頂帽就過關,聲稱會飛去台灣逗留兩至三日,莫非係去取經,又密謀攪局?

第一手消息請下載on.cc東網iPhone/iPad/Android/Windows Phone Apps