翻新球場甩漏 街坊鬧爆康署
深水埗保安道遊樂場一直深受市民歡迎，惟近月進行的翻新工程卻未有帶來新氣象，更被指「甩甩漏漏」甚至浪費資源。有市民發現遊樂場內部分設施被圍封多時仍未完成翻新，令街坊「有得睇冇得用」，而籃球場於翻新後地面竟出現凹陷，存在多年的安全隱患卻未被修正。區議員批評康文署施工前未有考慮居民意見，以致劣評如潮，要求從速改善。
足球場亦有地面凹陷致有積水，記者視察當日亦見現場堆有大量建築材料等待施工。
籃球場閘門常開，街坊指常有人走出馬路「跨欄執波」致險象環生。
陳偉明
毗連大型屋邨的保安道遊樂場設有籃球場及足球場等設施，多年來廣受街坊歡迎。經常到上址籃球場教小朋友打籃球的曾先生指出，遊樂場近日正進行翻新工程，原希望部門會藉此優化現有設施，未料卻事與願違，「個籃球場足足翻新咗五個月，最近先開番，但出嚟個效果好差，地下高低唔平嘅，我哋打波好易受傷！」曾又指足球場由去年十月底圍封，一直未完成工程，「我就住喺隔籬，日日望都好似冇人開工咁，連地都未鋪，啲櫈拆咗又未裝番！」
另一方面，曾先生亦不滿康文署未有藉工程修正場內存在已久的安全隱患，「籃球場個大閘門成日都畀人開咗，啲細蚊仔打波冇咁好手尾閂門，啲波飛晒出街，結果佢哋又要跨馬路個欄執，真係好危險！康文署係咪要諗吓點改善？淨係加張通告有咩用？」
康文署發言人承認，工程開展至今共接獲三宗相關投訴，但解釋工程分兩期進行，籃球場和排球場的工程由去年十月底至今年三月底進行，足球場的工程則由今年三月初至五月底，故未有延誤。不過，發言人承認籃球場維修後部分地面不平，將於足球場工程完成後跟進有關修補工作。至於籃球場閘門問題，發言人指該署正與工程部門研究改善方案，已在閘門上張貼告示提醒進出人士把閘門關上。
沒以用家角度考慮
「既然有使用者都話有安全問題，而且只需要好簡單嘅工程就可以解決，康文署冇理由唔做，證明佢哋做工程之前根本問過用家同居民嘅意見！」深水埗區議會地區設施委員會委員陳偉明指出，事件反映康文署在構思翻新工程時沒有以用家角度作充分考慮，圍封場地的安排亦有改善空間，最終引致劣評如潮，認為當局應吸取教訓，並盡快作出改善，「唔好封咗個場但遲遲都唔開工，最好一封就做，地區休憩地方已經少，如果有設施但長期唔用得就非常可惜。」
逢星期一至五見刊
熱線3600 9988
電郵 socserv@on.cc
傳真3600 9900
WhatsApp/SMS 6500 6500
來函請寄：香港大埔工業邨大昌街23號東方報業中心東方報業集團投訴組收
個人資料絕對保密
匿名投訴恕不處理
