市民同飛行服務隊總監培培喺街頭傾偈，點知傾傾吓，市民突然要離開，培培問點解，反畀市民責怪一番。

市民：咦，夠鐘喇，我唔得閒，要去買嘢，唔好阻住我！

培培：趕住去買乜？

市民：嗰邊做緊特價時段，唔買就傻仔，不過睇怕你都唔啱使啦。

培培：點解呀？特價嘢我都啱。

市民：啱？仲好講，你哋飛服隊採購就嘥咗73萬公帑，有折扣都話走漏眼，呢度小小便宜，點會啱你呢？

培培：話明走漏眼，我都唔想嘛，我哋之後會加倍留意！

市民：講就天下無敵，做就有心冇力，使公帑就叻，派粒糖就艱難！

培培：……話晒啲錢係公家，係用得冇咁着緊。

市民：弊在我窮到燶呢！

第一手消息請下載on.cc東網iPhone/iPad/Android/Windows Phone Apps