拔萃男書院管弦樂團喺上個月五至十四日遠赴美國華盛頓同紐約，踏上十天嘅「音樂之旅」。行程包括參加國際知名藝術團體World Projects舉辦嘅「華盛頓國際音樂節2015」，以九十三點六分成績勇奪金獎，揚威海外。

拔萃男書院管弦樂團勇奪「華盛頓國際音樂節2015」金獎。

一行七十多人嘅管弦樂團赴美行程仲包括到世界知名頂尖音樂學府伊士曼音樂學院交流同表演，又參與大師班。音樂之旅仲到約翰．甘迺迪表演藝術中心同二戰紀念碑前戶外演出添！

拔萃男書院校長鄭基恩話學校非常鼓勵學生勇於追求夢想，期望學生能夠喺交流中好好體會音樂家嘅人生路。佢感謝學生同老師喺「華盛頓國際音樂節2015」奪得驕人成績。

第一手消息請下載on.cc東網iPhone/iPad/Android/Windows Phone Apps