「動物似住喺第三世界」
【本報訊】香港動植物公園自七十年代起至今也沒有改善園內動物的福利，包括用大鐵籠「監禁」猩猩、住宿與野外環境相差甚遠。關注動物組織負責人批評，動植物公園差劣的環境設施，導致園內的婆羅洲猩猩、猴子產生異常舉動，如不斷重複同一動作、拔身體上的毛髮等，或會令動物患上心理疾病，惡劣環境顯示當局缺乏動物認知，有欠道義，「班動物就好似喺第三世界國家生活咁。」
有婆羅洲猩猩用麻包袋蓋着自己，未知是否心情不佳。
紅臉黑猿長時間蜷曲身體屈在一角，狀甚可憐。
園內的烏龜在公園變身時或會遷往九龍公園居住。
長期囚禁 行為異常
愛護動物協會研究及發展主任何書平指出，與已發展國家的動物園比較，動植物公園的動物居住環境惡劣，婆羅洲猩猩、猴子群居在大鐵籠內，「無嘢隔開佢哋，設計亦冇模擬野生環境，同坐監無分別。」現場所見，不少動物如紅臉黑猿、婆羅洲猩猩等均蜷曲身子屈在一角，或者拿麻包袋蓋着自己，有時則雙手抓籠，似是想逃出籠外，狀甚抑鬱。
何書平說動物屈在狹窄的地方，每日無事可幹，定時有人餵食，長遠精神會出現毛病，批評港府一直將動物的福利置之不理，「點解連將啲嘢食收埋喺唔同地方，等動物可以郁動吓、搵吓，都唔願意構思？」何亦轟當局僅在動物籠前放幾塊展板作介紹，欠缺真正教育功能，「小朋友行完公園，往往只係識講『睇完猩猩』，問佢哋學到咩？知唔知動物嘅來源地、背景？往往乜都唔知。」
動物亞洲（Animals Asia）負責人Karina指，園內的婆羅洲猩猩長年不動如山，直接餵食令牠們癡肥，臉上毫無表情，「明顯係好沉悶，唔開心。」何書平指，康文署曾多次指會改善園內設施，卻未有一次付諸行動，「希望今次佢哋係認真，唔係得個拖字啦。」
