公屋輪候時間進一步惡化，一般家庭輪候公屋的平均年期延長至3.3年，距離平均輪候3年上樓的指標愈來愈遠。有家庭苦等數載都上唔到樓，市民當然向運房局局長炳炳問責。

市民：初初又話等3年就上到樓，依家要3.3年，你講大話！

炳炳：四捨五入都仲係3年，點叫講大話呢！

市民：語言偽術，咪呃細路啦！

炳炳：先生，你講嘢小心啲，我哋唔叫呃人，排隊嘅嘢都有分優先次序o架！

市民：冇呃人就快啲畀我上樓再講啦！

炳炳：得得得，教你排條隊，會快啲上到樓。

市民：咩隊咁巴閉呀？

炳炳：呢邊呢條「5年後嘅隊」，到時5年後每年有4萬個公屋可供編配，咁咪等3年就可以上到樓囉！

市民：5年後嘅3年？玩嘢呀？！

第一手消息請下載on.cc東網iPhone/iPad/Android/Windows Phone Apps