SUN搞作：SUN官場現形記：另類識字
小學生功課繁重，但仍被要求每學年閱讀二十至六十本課外書，小學生惟有速讀抄下書名「交數」。問到教育局局長吳得掂點睇，佢又係滿口歪理。
家長︰睇書速讀交數，真係一啲好處都無。
吳得掂︰點會無？
家長︰咁你話我聽有乜好。
吳得掂︰早啲體驗社會，等佢哋知工作跑數有幾辛苦。
家長︰……咁搞法，佢哋就唔會鍾意睇書。
吳得掂︰咁有乜問題？
家長︰吓，連解句古文都唔得，仲問有乜問題！
吳得掂︰呢個年頭使乜識古文，小朋友唔讀書愛上網，識解「火星文」同「高登話」，分分鐘叻過你，你敢話佢唔識字咩！
家長︰@#$$$%%^
