政壇：肥老闆太太泊車慳鐘錢

港股近排熱炒，立法會金融服務界議員張華峰（肥老闆）都勁賺一筆，不過，佢太太上周日下午同兩個女兒組成Shopping三人組，逛中環ifc名店時，就好慳家，為趕及免費泊車優惠，張太使出一招「飛毛腿」，對腳好似開咗摩打咁跑去拎泊車卡蓋印。

張華峰太太（右）一身「潮媽」打扮，約兩名女兒（左及中）行街Shopping。

一身「潮媽」打扮嘅張太，同兩個囡囡行到去一間超市門口時，張太突然停下腳步，原來係搵張停車場飛拎去蓋印，享免費泊車優惠。之後佢望一望手錶，面露緊張神情，極速跑向前方一個指定櫃位「扱飛」。商場時租都只係二十多元，可能肥老闆食少條魚翅都喺番度，難得張太仲咁精打細算慳家，認真係賢內助。