政壇：李偲嫣扮學生妹笑聲四起

角色扮演好蝦人，尋日撐警大聯盟、正義聯盟、藍絲帶行動、家長聯會喺中環遮打花園舉辦「重建香港」嘉年華會暨「藍色印記」佔中相片展覽，冀警惕市民勿忘去年佔領行動慘況。期間有街頭劇上演，諷刺去年佔領事件，正義聯盟召集人李偲嫣就以一身水手校服裝造型扮演學生，令全場嘩然。

李偲嫣

李偲嫣喺表演街頭劇前疑有「自知之明」，本來佢着住藍色衫，換衫前特別警告觀眾：「我即將以一個意想唔到嘅造型出場，請大家準備定嘔吐袋。」原來，佢搖身一變就後生N年，以水手校服裝現身，結果真係搞到在場觀眾笑聲四起。