牛頭角：清潔狗廁所 食署歎慢板
陳小姐早前遷入牛頭角新居，與愛犬散步，經過定安街時，發現狗廁所雜草叢生，有不少垃圾。「嗰度連花都開埋，到底有幾耐冇人清理過？政府起咗啲設施喺度，但又唔好好管理佢，浪費資源！」
牛頭角定安街狗廁所雜草叢生，更有不少垃圾遭棄置，疑多時未有人清理。
食環署發言人稱，接獲轉介後隨即巡查，承認上述狗廁所確有雜草，已警告有關街道潔淨服務承辦商，及飭令承辦商將雜草清除。當局一向關注狗廁所的情況，承辦商會清理狗廁所。
陳小姐最近經過上址，證實情況已有改善，惟間中仍見狗廁所有垃圾多天未清理，要求食環署嚴謹監管承辦商。「警告一、兩次都冇用，就應該考慮吓係咪唔夠阻嚇性。我覺得食環本身個監管制度都要檢討吓！」
