城中鏡：左影影：琦琦愛女擺甫士天分高

今次拍攝由著名攝影師Paul Tsang操刀，化妝髮型亦係琦琦一貫用開嘅班底。琦琦透露Ella一向唔鍾意影相，喺佢不停游說下先成事，琦琦話：「我同Ella講佢今年十歲，想影輯相作為紀念，同埋當係母親節禮物，而且又係由細睇到佢大嘅Paul哥哥影，佢先答應。」

喺拍攝時，Ella被讚反應快，琦琦就話：「通常影小朋友嘅攝影師都會好頭痛，但Paul話諗唔到咁快影完，仲話Ella好有領悟力，例如叫佢膊頭低啲，佢一點就明，自己識得調節，好快手。」琦琦早前透露Ella患氣管炎高燒五日唔退，尋日就話囡囡經已退燒，希望趁連續三日假期多啲休息喎。