港鐵廣深港高鐵香港段工程屢延誤，超支情況日益惡化，最近仲傳出新造價將飆升至八百五十億元，比高鐵最初撥款多近二百億元！主責嘅運房局責無旁貸，但喺立會調查高鐵工程延誤專責委員會第三次研訊中，該局局長張炳良只派副手邱誠武上陣，只係死撐話港鐵仲評估緊，完全冇正面回應。多名議員質疑有包庇港鐵之嫌，狠批其監管不力，過分信任港鐵，有負所託。睇嚟張炳喺今次高鐵超支事件上冇睇緊盤數，變咗「盲炳」，大拿拿二百億公帑唔係二百蚊呀，唔畀人炳鑊甘就奇啦！
