話說嶺南大學學生會早前舉辦「黑暗時代抗爭」校園音樂會,期間有樂隊唱粗口歌辱罵警察,引起各界批評。繼嶺大校董會前主席陳智思就事件向公眾致歉後,嶺大校長鄭國漢尋日亦向職員、校友及學生發電郵,就事件向公眾及受影響人士致以衷心歉意。

鄭國漢

不過,鄭國漢同時對事件表達失望同憤慨,憂慮事件對嶺大學生造成不良影響,令嶺大聲譽受損。佢話校方已明確要求嶺大學生會絕對不能再有同類事件發生,亦已去函學生會警誡勿再重犯,否則校方會作出紀律處分。佢強調嶺大尊重唔同形式嘅表達意見自由同權利,所以唔會事先審查活動嘅內容,但有關人士亦要對個人言論同宣示嘅訊息及內容負責。

第一手消息請下載on.cc東網iPhone/iPad/Android/Windows Phone Apps