新田圍邨：鋼筋外露 恐墮石屎傷人
蘇女士指沙田新田圍邨榮圍樓與新田圍商場外牆有石屎剝落並露出鋼筋，由於商場下方為馬路，且不時有巴士出入，至於榮圍樓對出的行人路亦常有居民行經，擔心若石屎墮下會造成危險，「我見有好多鋼筋露咗出嚟，而且愈爛愈勁，不過一直都唔見有人做嘢。」
有市民指新田圍邨有外牆石屎剝落，擔心會對途人造成危險。
有關物業服務辦事處發言人表示，石屎剝落位置屬領匯管理範圍，惟基於安全理由，已將榮圍樓樓下部分受影響地方圍封。
領匯發言人則稱，獨立專業顧問於今年四月已完成有關地點的勘察工程，並確認牆身結構安全，修繕工程預計於今年稍後時間展開。
「爛成咁都叫結構安全？我覺得好難說服到人，啲石屎唔甩，條鋼筋唔會無啦啦自己露出嚟，係咪真係要有人畀啲石屎揼到頭破血流先做嘢？」蘇女士直言每次途徑上址均膽戰心驚，深怕會「中頭獎」，要求領匯盡快維修以保障市民安全。
