鰂魚涌：渠蓋破損 成低頭族陷阱
「依家低頭族咁多，有時條街多人時又焗住靠邊行，一個唔覺意有人差錯腳就好容易拗柴。」
鰂魚涌英皇道渠蓋出現破損，市民要求路政署檢討巡查機制。
於鰂魚涌上班的陳先生指出，早前行經英皇道時發現有水泥製渠蓋破損，擔心形成行人陷阱，「有個就崩咗一忽，仲有個就爛到跌埋落坑渠，咁要個蓋嚟做咩？」
路政署發言人證實，派員巡查時發現涉事渠蓋出現破損，隨即安排承建商進行維修，相關工作亦已告完成。
陳先生指日前再次途徑上址時，發現有關渠蓋已經修繕妥當，惟認為路政署有責任確保全港道路設施狀態保持良好，今次事件反映該署日常巡查出現紕漏，要求盡快檢討，以免有市民因此而受傷，「之前睇新聞，先話天水圍嗰邊有人因為渠蓋移位而整親，點知呢邊都係差唔多情況，個問題好似無處不在咁，路政署好應該諗吓點樣改善。」
